Լիոնել Մեսսի. Լավագույն ռմբարկուի կոչման համար պարտական եմ թիմակիցներիս

Իսպանացի լրագրողները հայտնում են, որ «Բարսելոնա»-ի հարձակվող Լիոնել Մեսսին շնորհակալություն է հայտնել թիմակիցներին անձնական հաջողությունների համար:


Հիշեցնենք, որ արգենտինացին 2011/12 թվականների մրցաշրջանում Լա Լիգայի լավագույն ռմբարկու է ճանաչվել: Նա 50 գոլի հեղինակ է դարձել:

«Շնորհակալ եմ թիմակիցներիս` ազգային առաջնության ընթացքում իմ հեղինակած 50 գոլերի համար: Ես երջանիկ եմ և հպարտ: Իսպանիայի առաջնության լավագույն ռմբարկու ճանաչվելը մեծ ուրախություն է», -նշել է Մեսսին: